Idman.biz
Bu gün Misli Premyer Liqasında III tura yekun vurulub.
İdman.biz xəbər verir ki, "Sabah" öz meydanında "İmişli"yə 0:1 hesabı ilə məğlub olub.
Oyundan sonra keçirilən mətbuat konfransında "Sabah"ın baş məşqçisi Valdas Dambrauskas bunları qeyd edib: "İmişli"ni qələbə münasibəti ilə təbrik edirəm. Bu, rəqib üçün böyük qalibiyyətdir. Bunu təntənəli şəkildə qeyd edirdilər. Bizə gəldikdə, ümid etmirdik ki, oyun bu cür alınacaq. Əlbəttə ki, futbolda bəzən belə hallar baş verir. Çünki hər iki hissədə dominant, topa daha çox sahib olan tərəf biz idik. Cərimə meydançasına daha çox daxil olan komanda biz idik. Amma qapının önündə kəskinlik çatışmırdı. Rəqibin birinci və ikinci hissədə bir epizodu oldu. Onlar ikinci hissədəki epizodlarından fərqləndilər. Biz bu səhvlərdən nəticələr çıxarmalıyıq, öyrənməli və bu səhvləri bir daha etməməliyik. Milli komandaların oyununa görə, fasilə olacaq. Fasilədə çalışacağıq ki, çatışmayan cəhətləri, xüsusilə də üçüncü bölgədə, rəqib qapısına yaxın çatışmayan nələr varsa, onu inkişaf etdirək".
İdman.biz
