Sport24.az
"Sabahkı oyunda nəticə qazanmağa çalışacağıq. Qonaqpərvərliyinizə görə sizə təşəkkür edirəm. Hər şey çox yüksək səviyyədədir. Məncə, maraqlı qarşılaşma olacaq. İkinci matç birincidən fərqlənir". Sport24.az xəbər verir ki, bunu "Omoniya"nın baş məşqçisi Valdas Dambrauskas Bakıda "Zirə"yə qarşı keçirəcəkləri UEFA Konfrans Liqasının pley-off mərhələsinin cavab oyunundan əvvək mətbuat konfransında deyib.
47 yaşlı mütəxəssis rəqiblərin bir-birini tanıdıqları bildirib: "Artıq demək olar ki, rəqiblər də bir-birini tanıyırlar. "Zirə" bu oyunda yeni həll yolları tapmağa çalışacaq. Biz yaxşı oynamağa çalışacağıq".
Qeyd edək ki, avqustun 29-da "Dalğa Arena"da təşkil olunacaq görüş saat 20:00-da start götürəcək. Kiprdəki ilk matçda "Omoniya" 6 cavabsız qolla qalib gəlib.
