PSJ-nin cinah hücumçusu Usman Dembele klublararası dünya çempionatının ilk turunu buraxacaq.
İdman.biz xəbər verir ki, o, Fransa yığmasının düşərgəsində zədələnib.
Əzələsini dartan 28 yaşlı futbolçunun bərpası üçün 3 həftə tələb olunduğu bildirilib. Nəticədə Dembele turnir qrup mərhələsinin ilk turunda "Atletiko"ya qarşı forma geyinə bilməyəcək.
Qeyd edək ki, PSJ B qrupunda madrid təmsilçisi ilə yanaşı "Botafoqo" (Braziliya) və "Sietl Saunders"lə (ABŞ) qarşılaşacaq.
İdman.biz