Idman.biz
Usman Dembele 2025-ci ildə beynəlxalq oyunlarda ən çox qol vuran futbolçuların siyahısında liderliyini davam etdirir.
İdman.biz xəbər verir ki, 28 yaşlı hücumçu PSJ-nin heyətində Çempionlar Liqasında 8, Fransa millisində isə 1 dəfə fərqlənib.
Dembele mayda hesabına yeni qol əlavə edə bilməsə də, rəqibləri bu fürsətdən yararlana bilməyiblər. Bu il beynəlxalq oyunlarda hesabında ümumilikdə 9 qol olan fransalı futbolçunu hərəyə 8 qolla Harri Keyn (İngiltərə/"Bavariya"), Rafinya (Braziliya/"Barselona") və Lautaro Martines (Argentina/"İnter") izləyirlər.
Qeyd edək ki, Gürcüstan millisinin və "Lion"un forvardı Georges Mikautadze və "Qalatasaray"ın nigeriyalı hücumçusu Viktor Osimhen hərəyə 6 qolla digər futbolçularla birlikdə 10-17-ci yerləri bölüşdürürlər.
İdman.biz
