Idman.biz
PSJ-nin penaltilər seriyasında "Tottenhem"ə 4:3 hesabı ilə qalib gəldiyi oyunun əsas vaxtında hesabı 2:2 edən Qonsalu Ramuşa məhsuldar ötürməni Usman Dembele verib.
İdman.biz xəbər verir ki, fransalı forvard 2025-ci ildə iştirak etdiyi bütün turnirlərdə 37 qolda birbaşa iştirak edib.
O, Avropanın beş aparıcı liqasında çıxış edən futbolçular arasında bu göstəricidə ən yaxın izləyicisini 6 qol qabaqlayır.
2025-ci ilin "Qızıl top"una əsas namizədlərdən olan Dembelenin hesabında 27 qol və 10 məhsuldar ötürmə var. O, həmçinin UEFA Superkubokunda matçın ən yaxşı oyunçusu seçilib.
İdman.biz
