Idman.biz
İngiltərə Premyer Liqasının keçmiş hakimi Devid Kut uşaq pornoqrafiyası hazırlamaqda ittiham olunub.
İdman.biz bildirir ki, o, sabah məhkəmə qarşısına çıxacaq.
Keçən ilin noyabrında "The Sun" nəşri Kutun "Liverpul"un baş məşqçisi Yurgen Kloppu "iyrənc alman" adlandırdığı videosunu yayımlayıb. Qısa müddət sonra onun "AVRO 2024"də kokaindən istifadə etdiyi barədə başqa bir video ortaya çıxıb. Bu iki insident Kutun hakimlik karyerasını məhv edbi.
2024-cü ilin dekabrında İngiltərənin hakimlər orqanı PGMOL 43 yaşlı hakimi istefaya göndərib. UEFA onu növbəti ilin iyun ayına qədər bütün futbol fəaliyyətlərindən uzaqlaşdırıb.
Kut İngiltərə futbolunda 100-dən çox matçda hakimlik edib.
İdman.biz
