Sport24.az
Uruqvay millisinin və "Leon"un (Meksika) yarımmüdafiəçisi Nikolas Fonsekanın başına pis hadisə gəlib. Sport24.az xəbər verir ki, bu barədə Meksika mətbuaatı məlumat yayıb.
Futbolçu oğurluğun qurbanı olub. 26 yaşlı oyunçu "Leon"un məşqinə gedərkən qaçırılıb.
Bildirilir ki, silahlı cinayətkarlar yolda onun avtomobilinin qarşısını kəsiblər. Uruqvaylı futbolçu iki saat saxlandıqdan sonra qaçırıldığı yerdən 25 km uzaqda maşından atılıb.
Fonseka hazırda yaxşıdır. Hadisəyə baxmayaraq, o, Meksika təmsilçisinin növbəti oyununda iştirak etməyə hazırdır.
