Sport24.az
"Təlim məşq toplanışının ilk yoxlama matçı idi. Oyun təcrübəsi baxımından belə qarşılaşmalar vacibdir. Məşq xarakterli görüş oldu. Ümumi olaraq hər şey plan üzrə gedir". Bunu Sport24.az-a açıqlamasında "Araz-Naxçıvan"nın futbolçusu Urfan Abbasov deyib.
Təcrübəli futbolçu toplanışın gedişatı barədə də məlumat verib:
"Qarşıda iki yoxlama matçımız var. Həmin oyunlardan sonra komanda daha yaxşı formaya düşəcək. "Aris" adlı-sanlı klubdur. Var gücümüzü ortaya qoymalıyıq. Kimin qalib gələcəyini zaman göstərəcək. Ümid edirəm ki, sonda sevinən tərəf biz olarıq. Növbəti mövsüm çempionat maraqlı keçəcək. Komandaların sayı artıb və hamı öz gücünü göstərmək istəyəcək. Heyətimiz daha da güclənib, keyfiyyətli futbolçularımız var. İnşallah, növbəti mövsüm çempionluq uğrunda mübarizə apararıq".
Qeyd edək ki, Naxçıvan klubu iyulun 11-də "Alanyaspor", 17-də isə "Trabzonspor"la üz-üzə gələcək. Komanda UEFA Konfrans Liqasının II təsnifat mərhələsində "Aris"lə (Yunanıstan) qarşılaşacaq. İlk oyun iyulun 24-də "Liv Bona Dea Arena"da keçiriləcək və saat 20:00-da başlayacaq. Cavab görüşü bir həftə sonra səfərdə olacaq.
