Sport24.az
"Əməliyatdan sonra özümü yaxşı hiss edirəm. Formaya düşmək üçün fərdi məşqlərə başlamışam. Əsas məqsədim yeni mövsümdə "Araz-Naxçıvan"ın heyətində özümü ən yaxşı tərəfdən göstərmək, komandaya faydalı olmaqdı". Bu sözləri Sport24.az-a açıqlamasında Ülvi İsgəndərov deyib.
Hücumçu mövsümlərarası fasilədə naxçıvan təmsilçisindən aldığı təklifə müsbət cavab verməsinin də səbəbinə aydınlıq gətirib: "Başqa təkliflərim də var idi.d Amma mən Naxçıvan klubuna keçməyi məsləhət bildim. Seçim zamanı əsas məqam baş məşqçi ilə bağlı oldu. Elmar Baxşıyevin rəhbərliyi altında oynamışam, futbolçulara yanaşması və futbol fəlsəfəsinə yaxından bələdəm. Odur ki, Elmar müəllimin rəhbərliyi altında oynamaq xoşdu. "Araz-Naxçıvan"ı seçməyimdə daha bir səbəb komandanın gələn mövsüm üçün iddialarının artmasıdı".
Qeyd edək ki, 26 yaşlı hücumçu ötən mövsüm "Qəbələ"nin heyətində ümumilikdə 26 oyuna çıxıb və 1 qolla yadda qalıb.
ABDULLA İSMAYILOĞLU
