Idman.biz
Moskva "Dinamo"sunun hücumçusu, azərbaycanəsilli rusiyalı futbolçu Ülvi Babayev dünən axşam Samaranın "Krılya Sovetov" klubunun qapısından üç qol keçirməklə oyunun qəhrəmanına çevrilib.
İdman.biz xəbər verir ki, Ülvi Rusiya Kubokunun oyunu çərçivəsində 22-ci, 71-ci və 78-ci dəqiqələrdə fərqlənib. Görüş "Dinamo"nun 4:0 hesablı qələbəsi ilə başa çatıb. Bu, Babayevin karyerasında ilk het-trikidir.
Xatırladaq ki, 21 yaşlı Babayev Moskva vilayətinin Ximki şəhərində anadan olub və 2021-ci ildən Moskva "Dinamo"sunda çıxış edir. O, dəfələrlə müxtəlif yaş qrupları üzrə Rusiya yığmalarına dəvət alıb.
Vüqar Vüqarlı
