Sport24.az
Ukrayna mətbuatında milli komandanın hazırkı baş məşqçisi Sergey Rebrovun yerinə mümkün namizədləri müzakirə edərkən "Qəbələ" və "Neftçi"nin sabiq çalışdırıcısı Roman Qriqorçukun da adını qeyd ediblər. Sport24.az xəbər verir ki, "Champion.com.ua" portalı Qriqorçukun "Neftçi"dəki işini yada salıb:
"Çernomoets"in sabiq çalışdırıcısının uğursuzluğa düçar olduğu "Neftçi"də qısa müddətli işi aldadıcı olmamalıdır. Roman Qriqorçuk Ukrayna pasportu ilə dövrümüzün ən yaxşı məşqçilərindən biri olaraq qalır. O, güclü komandalarla işləməyi bacaran mütəxəssisdir. Roman İosifoviç öz mənafeyini komandanın maraqlarından üstün tutan futbolçulara şərtlərini diqtə edəcək qədər sərt məşqçidir. Roman Qriqorçuk peşəkarlığına və ambisiyalarına uyğun gələn yerdə işləmək istəyir".
Qeyd edək ki, Qriqorçukun sonuncu klubu cəmi bir neçə ay işlədiyi "Neftçi" olub. Mövsümlərarası fasilədə "sükanı arxasına" keçən mütəxəssis oktyabrda istefaya gedib.
