Idman.biz
Son 20 ildə ilk dəfə Ukrayna təmsilçilərindən heç biri UEFA Çempionlar Liqasının əsas mərhələsində çıxış etməyəcək.
İdman.biz xəbər verir ki, Kiyev "Dinamo"su üçüncü təsnifat mərhələsinin cavab oyununda da Kiprin "Pafos" komandasına 0:2 (ilk matçda - 0:1) hesabı ilə uduzaraq 2025/26 mövsümündə qitənin ən nüfuzlu klub turnirində mübarizəni dayandırıb.
Bu, sonuncu dəfə 2005/06 mövsümündə baş vermişdi. O vaxt da Ukrayna klublarından heç biri Çempionlar Liqasının qrup mərhələsinə vəsiqə qazana bilməmişdi. O zaman Kiyev "Dinamo"su İsveçrənin "Thun" (2:2, 0:1), "Şaxtyor" isə İtaliya "İnter"inə (0:2, 1:1) məğlub olmuşdu.
Qeyd edək ki, hazırda Ukraynanın yalnız bir klubu - ölkə çempionu Çempionlar Liqası təsnifat mərhələsinə oynamaq hüququ qazanır. Ötən mövsüm Ukraynada 3-cü olan "Şaxtyor" isə mübarizəyə Avropa Liqası təsnifat mərhələsindən başlayılb.
İdman.biz
