Sport24.az
Ukrayna Futbol Federasiyası (UAF) UEFA-nın Milli Assosiasiyalar Departamentinin direktoru Zoran Lakoviçin 2025-ci ildə bütün Rusiya komandalarının beynəlxalq arenaya qayıdacağına ümid etdiyini bildirən çıxışına münasibət bildirib. Sport24.az xəbər verir ki, bəyanatında beynəlxalq futbol təşkilatlarını müharibə başa çatana qədər Rusiya komandalarını beynəlxalq oyunlara buraxmamağa çağırıb.
"Ukrayna Futbol Assosiasiyası (UAF), eləcə də bütün Ukrayna futbol ictimaiyyəti 2022-ci ilin fevral ayının sonundan etibarən bütün Rusiya komandalarına qarşı tətbiq edilən sanksiyalara görə FİFA və UEFA-nın İcraiyyə Komitəsinə minnətdardır.
İdman sülh, hörmət və ədalətli oyun kimi fundamental dəyərlərindən ayrı mövcud ola bilməz. Rusiya klublarının qitəmiqyaslı turnirlərdə iştirakına icazə vermək bu prinsipləri pozar".
Qeyd edək ki, Rusiyanın 2022-ci ilin fevralında Ukraynaya hərbi müdaxiləsindən sonra ali futbol qurumları bu ölkənin yığmalarının və klublarının beynəlxalq turnirlərdə iştirakına stop qoyub.
