Lent.az
Futbol üzrə Ukrayna çempionatında "Sisters" (Odessa) klubunun oyunçusu İrina Mayborodina rus dilindən istifadə etdiyi üçün cəzalandırılıb.
Lent.az xəbər verir ki, oyun 17 avqustda keçirilib və "Sisters"in "Kolos" (Kovalivka) üzərində 2:1 hesablı qələbəsi ilə başa çatıb. Oyunun 42-ci dəqiqəsində baş hakim Anastasija Romanyuk Mayborodinaya sarı vərəqə göstərib.
Hakimin fikrincə, 32 yaşlı futbolçu rus dilində ifadələr işlədərək qeyri-idman davranışı nümayiş etdirib.
Qeyd olunur ki, hakim Romanyuk futbolçuya, "Biz burada rus dilində danışmırıq, bu — Ukrayna çempionatıdır. Etiraz etdiyinə görə sarı vərəqə", deyə irad bildirib.
