Idman.biz
"Trabzonspor"un kapitanı Uğurcan Çakırın "Qalatasaray"a transferi klubun azarkeşlərinin ciddi etirazına səbəb olub.
İdman.biz bildirir ki, "Trabzonspor" azarkeşləri klubun ofisi qarşısına toplaşıblar və şüarlar səsləndirərək transferə qarşı olduqlarını bildiriblər. Onlar oturaq aksiya da keçiriblər.
Azarkeşlər "Trabzonspor"un bayraqlarını dalğalandıraraq "Kapitan satılmaz", "Uğurcan bizim qırmızı xəttimizdir" kimi şüarlar səsləndiriblər. Klubun qarşısında çəkilən görüntülər sosial mediada geniş yayılıb.
Xatırladaq ki, "Qalatasaray" və "Trabzonspor" Çakır barəsində razılığa gəlib. "Trabzonspor"un Uğurcan üçün 25 milyon avro tələb etdiyi və "Qalatasaray"ın bu məbləği ödəyəcəyi bildirilir.
İdman.biz
