Sport24.az
"Mançester Yunayted"in sabiq hücumçusu Ueyn Runi 2010-cu ildə "Real"a keçə bilərmiş. Sport24.az xəbər verir ki, veteran futbolçu bunu BBC-yə yazdığı köşə yazısında bildirib:
"2010-cu ildə "Mançester Yunayted"ə yeni müqavilə imzalamaq istəmədiyimi deyəndə, üç klub mənimlə maraqlandı.
Onların arasında "Mançester Siti"nin də olduğu tez-tez deyilir, amma düzünü desəm, heç vaxt bu variant nəzərdən keçirilməyib. "Çelsi", "Real" və "Barselona" mənə təklif göndərmişdi.
Həmin an İspaniyaya köçməyə hazır idim. "Real" ilə anlaşmanın biraddımlığında idim. Ancaq ürəyimdən "Barselona" keçirdi.
Lionel Messi, Andres İniesta, Xavi və Sergi Busqetsin yanında o komandaya necə uyğunlaşa biləcəyimi təsəvvür etdim.
Sonda mən "Mançester Yunayted"də qalmağa qərar verdim, lakin o vaxt "Barselona" inanılmaz komanda idi və hər bir futbolçu orada oynamaq arzusunda idi".
