Sport24.az
Ölkələrin UEFA reytinqində dəyişikliklər olub. Sport24.az xəbər verir ki, buna avrokubokların pley-off mərhələsinin cavab oyunlarının ilk gününün nəticələri səbəb olub.
Çempionlar Liqasında baş tutan matçlardan sonra bəzi ölkələrin xal hesabı və mövqeyi dəyişib. Avstriya və İsveçrə irəliləyişə nail olub. Azərbaycanın mövqeyi dəyişməz qalıb.
Ölkəmizin hesabında 18,875 xal var. Azərbaycan Avropada 26-cı pillədədir.
Cari mövsümün qazancı 2,125-ə bərabərdir. Ölkə reytinqi üçün "Zirə" 1,000, "Qarabağ" 0,750, "Sabah" 0,250, "Sumqayıt" 0,125 xal əldə edib.
Qeyd edək ki, cədvələ İngiltərə başçılıq edir – 89,303 xal.
