Sport24.az
Qitə futbol qurumu Çempionlar Liqasının finalında "İnter"lə oyunda (5:0) azarkeşlər tərəfindən qayda pozuntularına görə PSJ-ni cəzalandırmağı planlaşdırır. Sport24.az xəbər verir ki, bu barədə "Mundo Deportivo" nəşri məlumat paylaşıb.
Xüsusən də parisli azarkeşlərin pirotexniki vasitələr yandırması Münhendəki stadionda tüstülənməyə səbəb olub.
Bundan əlavə, PSJ-nin qələbəsini qeyd edən azarkeşlərin meydançaya qaçması futbolçuları paltardəyişmə otağına getməyə məcbur edib.
Finala qədər isə PSJ və "İnter" azarkeşləri arasında da bir neçə insident yaşanıb. Bu halda İtaliya klubu da cəzalandırılacaq.
