Qol.az
UEFA prezidenti Aleksandr Çeferin İtaliya futbolunun infrastrukturunu sərt tənqid edib.
QOL.az xəbər verir ki, o, bu haqda İtaliyanın "Sportmediaset" saytına müsahibəsində deyib. Çempionlar Liqasının finalına Milandakı "San-Siro" stadionunun namizədliyinin rədd olunmasının səbəbləri haqda danışarkən Çeferin bildirib:
"Mən hesab edirəm ki, İtaliyanın futbol infrastrukturu biabırçı vəziyyətdədir. Siz dünyanın ən böyük futbol ölkələrindən birisiniz. Bir neçə dəfə dünya çempionatını, Avropa çempionatını, Çempionlar Liqasını qazanmısınız. Amma eyni zamanda, böyük ölkələr arasında ən pis infrastruktur sizdədir. Düzünü desəm, İtaliyada infrastrukturla bağlı bu müzakirələrdən bir qədər bezmişəm. Çünki gördüyümüz yalnız sözdür. Ümid edirəm ki, İtaliya nəhayət, hansısa addım atacaq. Klubların hökumətdən, bələdiyyələrdən və həmçinin özəl investorlar tərəfindən dəstəyə ehtiyacı var. Artıq hərəkətə keçməyin vaxtıdır, çünki vəziyyət dəhşətlidir".
