Idman.biz
UEFA prezidenti Aleksander Çeferin ölkə xaricində keçirilən milli liqa oyunlarını şərh edib.
İdman.biz-in məlumatına görə, bu gün Avropa Futbol Assosiasiyaları İttifaqı (UEFA) İspaniya və İtaliyadan kənarda bir La Liqa və A Seriyası matçının keçirilməsinə istisna hal kimi icazə verib. Bu o deməkdir ki, "Vilyarreal" və "Barselona" ABŞ-ın Mayami şəhərində, "Milan" və "Komo" isə Avstraliyanın Pert şəhərində oynaya biləcəklər.
"Liqa matçları doğma torpaqda oynanılmalıdır. İstənilən başqa qərar, matçlarda iştirak etmək istəyən sadiq azarkeşləri hüquqlarından məhrum edəcək və rəqabəti pozacaq. Məsləhətləşmələrimiz bu narahatlıqların miqyasını təsdiqlədi.
Bu matçların (xaricdə) oynanılmasına icazə verilməsi təəssüf doğursa da, verilən qərar müstəsnadır və presedent kimi qəbul edilməməlidir.
Məqsədimiz aydındır: milli liqaların bütövlüyünü qorumaq və futbolun öz mühitində qalmasını təmin etmək", - Çeferin bildirib.
