Sport24.az
UEFA prezidenti Aleksander Çeferin Ukraynadakı münaqişəyə son qoymaq üçün aparılan danışıqlardan danışıb. Sport24.az xəbər verir ki, ali futbol qurumunun rəhbəri bu barədə "Delo.si" portalına danışıb:
"Avropa İttifaqının nümayəndələri bir müddətdir ki, Rusiya ilə Ukraynadakı münaqişənin sona çatdırılmasını müzakirə etməyəcəklərini iddia edirlər. İndi elə bir vəziyyətdəyik ki, ABŞ Rusiya ilə bir masa arxasına oturur, avropalı siyasətçilər də fikirləşirlər ki, niyə onlarla məsləhətləşmədən danışırlar.
Onlar başa düşməlidirlər ki, burada böyük maraqlar var. Onlar eqoları və şəxsi narazılıqları naminə deyil, bizim Sloveniyanın, hər hansı başqa ölkənin və ya Avropa İttifaqının maraqları naminə hərəkət etməlidirlər.
Məni narahat edən onların bütün dünyaya Avropanın ən yaxşısı olduğunu təbliğ etməsidir. Avropadakı miqrantlar pis vəziyyətdədirlər, onların insan hüquqları pozulur. Biz isə bütün dünyaya demokratiya haqqında mühazirə oxuyuruq".
Daha əvvəl Ceferin bəzi siyasətçilərin Rusiyanın 17 yaşadək futbolçulardan ibarət komandalarının beynəlxalq arenaya qayıtmasının qarşısını aldığını bildirib.
Qeyd edək ki, 2022-ci ilin fevral ayının sonundan Ukraynadakı vəziyyətlə əlaqədar FİFA və UEFA-nın qərarı ilə bütün Rusiya komandaları, o cümlədən yığmaları beynəlxalq turnirlərdən kənarlaşdırılıb.
