Idman.biz
Bu gün 2024/25-ci illər mövsümü UEFA Millətlər Liqasının qalibi bəlli olacaq.
İdman.biz xəbər verir ki, Almaniyada keçiriləcək finalda Portuqaliya və İspaniya komandaları üz-üzə gələcəklər.
Portuqaliya 2019-cu ildə, İspaniya isə 2023-cü ildə UEFA Millətlər Liqasının qalibi olub. 2021-ci ildə isə finalda ispanları məğlub edən Fransa millisi çempionluğu qazanıb.
Portuqaliya və İspaniya komandalarının son altı qarşılaşmasından 5-nin heç-heçə bitməsi diqqəti çəkir. Rəqiblərin 2022-ci ilin sentyabrında Braqada keçirilən son görüşündə isə ispanlar 1:0 hesablı qələbə qazanıblar. O vaxt meydan sahiblərinin baş məşqçisi hazırda Azərbaycan millisini çalışdıran Fernandu Santuş olub.
Qeyd edək ki, 3-cü yer uğrunda oyunda isə yarımfinalda məğlub olmuş Almaniya və Fransa komandaları üz-üzə gələcəklər.
UEFA Millətlər Liqası 2024/25
8 iyun
3-cü yer uğrunda oyun
17:00 Almaniya - Fransa
Final
23:00 Portuqaliya - İspaniya
İdman.biz
