Idman.biz
UEFA İsrailə mümkün qadağa ilə bağlı qərarını təxirə salıb.
İdman.biz-in məlumatına görə, daha əvvəl UEFA-nın İsrail komandalarına mümkün qadağa ilə bağlı qərarını bu həftə verəcəyi bildirilirdi. Qeyd olunurdu ki, təşkilatın icraiyyə komitəsi üzvlərinin "böyük əksəriyyəti" qadağanı dəstəkləyir.
"The Times"ın məlumatına görə, UEFA ABŞ prezidenti Donald Trampın İsrailin baş naziri Benyamin Netanyahu ilə görüşündə təqdim etdiyi yeni sülh planı fonunda bu məsələ ilə bağlı səsverməni təxirə salıb.
Səkkiz müsəlman ölkəsi – Qətər, Səudiyyə Ərəbistanı, Misir, İordaniya, BƏƏ, Pakistan, İndoneziya və Türkiyə artıq münaqişənin sona çatması üçün Trampla əməkdaşlıq edəcəklərini bəyan ediblər. UEFA rəhbərləri qərara gəliblər ki, indi İsrail komandalarına qadağa qoymaq üçün doğru zaman deyil.
Lakin İsrail hərbi əməliyyatları davam etdirərsə, gələcəkdə belə sanksiyaların tətbiqi ehtimalı qalır.
