İdman.biz
UEFA Serbiya, Bosniya və Hersoqovina, Macarıstan, Estoniya və Gürcüstan Futbol Federasiyalarını cərimələyib.
İdman.biz xəbər verir ki, bu barədə qurumun mətbuat xidməti məlumat yayıb.
Serb azarkeşlərinin Millətlər Liqasında İsveçrə oyununda davranışına görə federasiya 52,5 min avro cəza ilə üzləşib. Eyni hallar təkrarlanarsa Serbiya yığması qarşıdakı iki ildə bir görüşü boş tribunalar qarşısında keçirəcək. Oktyabrın 12-də keçirilən matç Balka təmsilçisinin 2:0 hesablı qələbəsi ilə yekunlaşıb.
Bosniya və Hersoqovina 29,5 min, Macarıstan 34,5 min və Gürcüstan 56 min avro cəriməyə məruz qalıb. Yığmamızın yer aldığı qrupda keçirilən Estoniya - İsveç matçında isə meydan sahibləri fanatların rasist və diskriminasiya şüarlarına görə 10 min cərimələnib.
İdman.biz
