Sport24.az
"Çelsi" yeni mövsümdə UEFA Çempionlar Liqası ilə Avropa Liqası arasında seçim etməli ola bilər. Sport24.az xəbər verir ki, "zadəganlar" Premyer Liqanı beşinci sırada bitirsə, ÇL-ə haqq qazanacaq.
Eyni zamanda Konfrans Liqasında finalda olan komanda bu turnirdə qalib olarsa, avtomatik Avropa Liqasına vəsiqə əldə edir.
ESPN nəşrinin iddiasına görə, UEFA "Çelsi"yə seçim hüququ verəcək. Londonlular istəsə ÇL, istəsə AL-də mübarizə aparacaq.
"Çelsi" Konfrans Liqasının finalında "Betis"lə qarşılaşacaq. London klubu Premyer Liqada isə 63 xalla 5-ci sıradadır.
