Idman.biz
UEFA "Barselona"nın yenidən qurulan "Spotify Camp Nou" stadionuna mövsüm tamamlanmadan qayıdışını təsdiqləyib.
İdman.Biz xəbər verir ki, qurumun təsdiqi ilə kataloniyalılar Çempionlar Liqasının cari mövsümündəki son ev görüşlərini yenilənmiş stadionda oynaya biləcəklər. Rekonstruksiya mərhələsinin əsas hissəsinin tamamlanması arenanın böyük matçlar üçün hazır olduğunu göstərib.
İcazədən sonra katalonlar ilk olaraq 22 noyabrda "Camp Nou"da "Atletik" klubunu qəbul edəcək. Klubdan bildirilib ki, Çempionlar Liqasının 6-cı turun oyununda "Ayntraxt"la görüş də 9 dekabr, çərşənbə axşamı günü "Kamp Nou"da olacaq.
Qeyd edək ki, "Barselona" uzun müddətdir ev oyunlarını Montjuik stadionunda keçirirdi və klub rəhbərliyi "Camp Nou"nun mümkün qədər tez istifadəyə verilməsi üçün intensiv iş aparırdı. UEFA-nın qərarı bu prosesin planlaşdırıldığından daha tez nəticə verdiyini təsdiqləyir.
