Sport24.az
Çempionlar Liqasının V turu çərçivəsində "Arsenal"la oyunda azarkeşləri bəzi xoşagəlməz şüarlar səsləndirdiyinə görə, UEFA Madrid "Atletiko"sunu cəzalandırıb. Sport24.az "AS" nəşrinə istinadən xəbər verir ki, qərar təşkilatın Nəzarət, İntizam və Etika Komissiyası tərəfindən verilib.
Mənbənin sözlərinə görə, klubun azarkeşləri irqçi ayrı-seçkilik davranışında ittiham olunub. "Atletiko" 30.000 avro cərimələnib və Çempionlar Liqasının bir oyunu üçün səfər biletlərinin satışına şərti qadağa qoyulub. Cəza bir il müddətində qüvvədə olacaq. Oxşar hadisələr təkrarlanarsa, sanksiya avtomatik olaraq tətbiq olunacaq. Klub həmçinin azarkeşlərin meydana yad əşyalar atdığına görə 10.000 avro cərimə olunub.
Qeyd edək ki, cəzalara baxmayaraq, Madrid klubunun azarkeşləri dekabrın 9-da PSV və 21-də "Qalatasaray"la səfər oyunlarında komandalarını dəstəkləyə biləcəklər. Lakin, hər hansı bir qayda pozuntusu sanksiyanın tam tətbiq olunması ilə nəticələnəcək.
