Sport24.az
Azərbaycanın U-21 millisi bu gün Avropa çempionatının seçmə mərhələsində ilk oyununa çıxıb. Sport24.az xəbər verir ki, Ayxan Abbasovun komandası Portuqaliyanın qonağı olub.
Barseluş şəhərində keçirilən çətin səfər matçında U-21 ilk hissədə qapısını toxunulmaz saxlasa da, fasilədən sonra rəqib qolları sıralayıb. Yekunda millimiz meydanı 0:5 hesablı məğlubiyyətlə başa vurub.
Bu görüş millimizin baş məşqçisi Ayxan Abbasovun komanda ilə ilk rəsmi oyunu idi.
Azərbaycan millisi B qrupunda Şotlandiya, Bolqarıstan, Portuqaliya, Çexiya və Cəbəllütariqlə mübarizə aparacaq. U-21-in növbəti oyunu Bolqarıstana qarşı olacaq. Görüş sentyabrın 9-da Bakıda keçiriləcək.
5 sentyabr
Avropa çempionatı
Seçmə mərhələ, 1-ci tur
Portuqaliya U-21 – Azərbaycan U-21 - 5:0
Qol: Rodriqo Mora, 48, Covanni Queda, 52, Leonardo Barroso, 57, Karlos Forbs, 73, Vivaldo Semedo, 90+3
Baş hakim: Konstantinos Fellas (Kipr)
Barceluş."Cidade de Barceluş" stadionu
