Sport24.az
21 yaşadək futbolçulardan ibarət Azərbaycan millisinin üzvü Rüfət Abbasov Avropa çempionatının seçmə mərhələsindəki püşkü dəyərləndirib.
20 yaşlı müdafiəçi bu barədə Sport24.az-a açıqlama verib.
"Artıq rəqiblərimizin hansı komandalar olduğunu bilirik. Bütün görüşlərdə bacardığımızı edəcəyik. Yaxşı oyun göstərməyə çalışacağıq. Maksimum daha çox xal qazanmaq niyyətindəyik".
Qeyd edək ki, B qrupunda yer alan U-21 Portuqaliya, Çexiya, Bolqarıstan, Şotlandiya və Cəbəllütariq komandaları ilə mübarizə aparacaq. 2025-ci ilin martında başlayacaq seçmə mərhələ 2026-cı ilin oktyabrına qədər davam edəcək. Avropa çempionatının final mərhələsi 2027-ci ildə Serbiya və Albaniyada təşkil olunacaq.
