Idman.biz
U-21 komandaları arasında Çexiya-Azərbaycan matçı başa çatıb.
İdman.Biz bildirir ki, qarşılaşma 5:0 hesabı ilə çexiyalıların xeyrinə başa çatıb.
Bu oyundan sonra B qrupunda Çexiya millisi doqquz xalla liderliyə yüksəlib. Altı xala malik Portuqaliya ikinci pillədə qərarlaşıb. Bolqarıstan dörd xalla üçüncü, Şotlandiya üç xalla dördüncüdür. Bir xala malik Azərbaycan beşinci, xalı olmayan Cəbəllütariq isə sonuncu - altıncı pillədədir.
21:44
21 yaşınadək futbolçulardan ibarət komandalar arasında Çexiya-Azərbaycan matçında hesab yenidən dəyişib.
İdman.Biz-in xəbərinə görə,84-cü dəqiqədə David Planka çexlərin 5-ci qoluna imza atıb.
21:35
U-21 komandaları arasında Çexiya-Azərbaycan matçında hesab yenə dəyişib.
İdman.Biz xəbər verir ki, Maşek 75-ci dəqiqədə görüşdə özünün üçüncü topunu vurub - 4:0.
21:22
U-21 komandaları arasında Çexiya-Azərbaycan matçında penalti təyin olunub.
İdman.Biz bildirir ki, 63-cü dəqiqədə çexiyalıların hücumçusu Maşekin vurduğu zərbəni yığmamızın qapıçısı Səlim Həşimov qaytarıb.
21:19
U-21 komandaları arasında Çexiya-Azərbaycan oyununda çexiyalılar hesab arasındakı fərqi artırıblar.
İdman.Biz bildirir ki, 59-ci dəqiqədə çexiyalıların oyunçusu Lukaş Maşek hesabı 3:0-a çatdırıb.
21:15
U-21 komandaları arasında Çexiya-Azərbaycan oyununda ikinci qol vurulub.
İdman.Biz bildirir ki, 55-ci dəqiqədə çexiyalıların hücumçusu Lukaş Ambros hesabı 2:0 edib.
21:04
21 yaşadək futbolçulardan ibarət milli komandalar arasında Avropa çempionatının seçmə mərhələsi çərçivəsində Çexiya - Azərbaycan oyununda ikinci hissə start götürüb.
İdman.Biz xəbər verir ki, ilk yarıdan sonra meydan sahiblərinin üstünlüyü var - 1:0.
20:49
U-21 komandaları arasında Çexiya-Azərbaycan oyununun ilk hissəsi bitib.
İdman.Biz bildirir ki, çexiyalılar hesabda 1:0 irəlidədirlər.
20:41
U-21 komandaları arasında Çexiya-Azərbaycan matçında hesab açılıb.
İdman.Biz bildirir ki, hesabı 40-cı dəqiqədə çexiyalı Lukas Maşek açıb.
20:00
21 yaşadək futbolçulardan ibarət milli komandalar arasında Avropa çempionatının seçmə mərhələsi çərçivəsində Çexiya - Azərbaycan oyunu start götürüb.
İdman.Biz bildirir ki, matşı şimali makedoniyalı FIFA referisi Yovan Kaçevski idarə edir.
19:48
21 yaşadək futbolçulardan ibarət Azərbaycan milli komandası Avropa çempionatının seçmə mərhələsi çərçivəsində səfərdə Çexiya ilə qarşılaşacaq.
İdman.Biz xəbər verir ki, komandalar saat 20:00-da start götürəcək qarşılaşmada meydana aşağıdakı heeyətlərlə çıxacaq:
Azərbaycan: 1. Səlim Həşimov, 3. Rüfət Abbasov, 44. İbrahim Ramazanov, 5. Emin Rüstəmov (k), 15. Raul Məmmədov, 2. Eşqin Əhmədov, 11. Xəyal Əliyev, 10. Şahin Şahniyarov, 8. Emil Süleymanov, 18. Oruc Məmmədov, 9. Ağadadaş Salyanski
Baş məşqçi: Fərid Namazov
Çexiya: 1. Yan Kunti, 2. Tomas Yelinek, 22. Yan Paluska, 4. Erik Hunal, 3. Adam Şevinski, 13. Albeert Labik, 18. Lukas Ambros, 8. Ondrey Kriçfaluşi, 10. Matey Şin (k), 9. Matias Voyta, 11. Lukaş Maşek
Baş məşqçi: Mixal Bilke
10:21
Bu gün Azərbaycanın 21 yaşadək futbolçulardan ibarət yığması 2027-ci il Avropa çempionatının seçmə mərhələsində növbəti oyununa çıxacaq.
İdman.Biz xəbər verir ki, Rəşad Eyubovun baş məşqçisi olduğu komanda səfərdə Çexiya yığması ilə qarşılaşacaq.
Oyunu şimali makedoniyalı FIFA referisi Yovan Kaçevski idarə edəcək. Matç Karvina şəhər stadionunda, Bakı vaxtı ilə saat 20:00-da start götürəcək.
Hazırda B qrupunda Portuqaliya millisi altı xalla liderdir. Eyni xala malik Çexiya ikinci pillədə qərarlaşıb. Bolqarıstan dörd xalla üçüncü, Şotlandiya üç xalla dördüncüdür. Bir xala malik Azərbaycan beşinci, xalı olmayan Cəbəllütariq isə sonuncu - altıncı pillədədir.
Qeyd edək ki, U-21 seçmə mərhələdə daha əvvəl keçirdiyi görüşlərdə səfərdə Portuqaliya yığmasına 0:5 hesabı ilə məğlub olub, Bakıda isə Bolqarıstanla heç-heçə edib - 1:1.
