Idman.biz
17 yaşadək futbolçulardan ibarət Azərbaycan milli komandası 2026-cı il Avropa çempionatının seçmə mərhələsində məğlubiyyət seriyasını davam etdirib.
İdman.Biz-in məlumatına görə, Fransada keçirilən 9-cu qrupun III turunda azərbaycanlılar Rumıniyaya 1:5 hesabı ilə uduzub. Komandanın yeganə qolunu 20-ci dəqiqədə Bəşirov vursa da, rəqib buna beş qolla cavab verib.
Azərbaycan bundan əvvəl Fransa (0:8) və İsrailə (1:5) uduzub, üç oyundan sonra xalsız qalıb. Turnir cədvəlinə 7 xalla Fransa başçılıq edir, Rumıniya (5) və İsrail (4) üçüncüdür. Qrupun bütün oyunları Fransada keçirilir.
10:33
17 yaşadək futbolçulardan ibarət Azərbaycan milli komandası Avropa çempionatının seçmə mərhələsi çərçivəsində bu gün üçüncü oyununa çıxacaq.
İdman.Biz xəbər verir ki, doqquzuncu qrupda yer alan millimiz sonuncu matçında Rumıniyanın müvafiq yaş qrupundan ibarət komandası ilə qarşılaşacaq.
Fransanın Kapbreton şəhərində yerləşən "Bourret" stadionunda keçiriləcək görüş Bakı vaxtı ilə saat 17:00-da başlanacaq. Qarşılaşmanı Xorvatiya və Fransadan olan hakimlər briqadası idarə edəcək.
Avropa çempionatı
Seçmə mərhələsi
14 oktyabr
17:00. Azərbaycan (U-17) – Rumıniya (U-17)
Baş hakim: Mateo Erceq (Xorvatiya)
Baş hakimin köməkçiləri: Xrvoye Radiç (Xorvatiya), Nikolya Durand (Fransa)
Dördüncü hakim: Gillaume Paradis (Fransa)
"Bourret" stadionu, Kapbreton
