U-17 liqasında qalmaqallı görüşün "qəhrəmanlar"ı cəzlandırldı

U-17 Liqasının XXVI turunda keçirilən "Vətən" - "Neftçi" oyununda baş verən hadisənin günahkarları cəzalandırılıb. Sport24.az xəbər verir ki, bu barədə qərarı AFFA-nın İntizam Komitəsi verib.

Qalmaqallı görüşdə yaşananları müzakirə edən qurum hadisələrə hüquqi qiymət verib.

6 fevral 2025-ci il tarixində AFFA U-17 Liqasında keçirilən VƏTƏN İOEUGFMPHŞ-Neftçi PFK oyununun 69-cu dəqiqəsində Masallı PFK-da qeydiyyatdan keçmiş komanda rəsmisi Abdulla Xəlilov Neftçinin baş məşqçisi Asif Ramazanovun üzünə başla zərbə endirdiyinə, xəsarət yetirdiyinə görə Abdulla Xəlilov 6 ay müddətinə AFFA və PFL bayrağı altında keçirilən bütün yarışlardan kənarlaşdırılsın (maddə 40.10, 40.11)

6 fevral 2025-ci il tarixində AFFA U-17 Liqasında keçirilən VƏTƏN İOEUGFMPHŞ-Neftçi PFK oyununda təhlükəsizlik təmin edilmədiyinə görə VƏTƏN İOEUGFMPHŞ komandası müstəsna hal olaraq 500 manat cərimə edilsin (maddə 1)

6 fevral 2025-ci il tarixində AFFA U-17 Liqasında keçirilən VƏTƏN İOEUGFMPHŞ-Neftçi PFK oyununun 69-cu dəqiqəsində Neftçi PFK-nın komanda rəsmisi Rəşad Hüseynov Masallı PFK-da qeydiyyatdan keçmiş komanda rəsmisi Abdulla Xəlilovu vurduğuna görə 10 oyun cəzalandırılsın (maddə 40.11, 1)

6 fevral 2025-ci il tarixində AFFA U-17 Liqasında keçirilən VƏTƏN İOEUGFMPHŞ-Neftçi PFK oyununda baş verən insidentlə bağlı VƏTƏN İOEUGFMPHŞ komandasının rəhbərliyinə daxili nizam qaydalarına riayət edilməsi ilə bağlı xəbərdarlıq edilsin (maddə 11)

6 fevral 2025-ci il tarixində AFFA U-17 Liqasında keçirilən VƏTƏN İOEUGFMPHŞ-Neftçi PFK oyununda baş verən insidentlə bağlı Neftçi PFK komandasının rəhbərliyinə daxili nizam qaydalarına riayət edilməsi ilə bağlı xəbərdarlıq edilsin (maddə 11)

Qeyd edək ki, qarşılaşmada "Vətən"in inzibatçısı olduğu bildirilən şəxs "Neftçi"nin baş məşqçisi Asif Ramazanova kəllə ataraq onun burnunu sındırıb.