Idman.biz
"Neftçi"nin sabiq forvardı, hazırda Səudiyyə Ərəbistanının "Əl-Ənvər" klubunda oynayan Tyaqo Bezerra Sportal.az saytına açıqlama verib.
O, "ağ-qaralar"ın bu mövsüm nümayiş etdirdiyi çıxışından və Vensan Abubakarın transferindən danışıb. Braziliyalının fikrincə, Abubakar "Neftçi"nin aparıcı qüvvəsinə çevrilə bilər:
"Hamımız Abubakarı yaxşı tanıyırıq. "Neftçi"nin onu transfer etməsi yaxşı haldır. Artıq qısa müddət ərzində Abubakar "Neftçi"də özünü göstərib və qollarını vurur. Görünürdü ki, komandaya tez bir zamanda adaptasiya olub. Abubakar "Qəbələ" və MOİK-lə matçlarda "Neftçi"yə nəyə görə gəldiyini göstərdi. Məncə, uzun müddət idi ki, komandaya onun kimi oyunçu lazım idi. Abubakara və "Neftçi"yə görə də sevindim. Ümidvaram ki, "Neftçi"dəki karyerası uğurlu alınacaq. Onun necə güclü hücumçu olduğunu yaxşı bilirəm".
