Sport24.az
Jolt Löv "Leypsiq"in yeni baş məşqçisi təyin olunub. Sport24.az xəbər verir ki, 45 yaşlı macarıstanlı mütəxəssis mövsümün sonuna kimi müqavilə imzalayıb və bazar ertəsi komanda ilə işə başlayacaq.
Löv futbolçu kimi daha çox "Hoffenhaym", "Maynts" və Macarıstan millisindəki (2002-2008) çıxışları ilə tanınır.
O, əvvəllər baş məşqçi işləməyib. "Zalsburq"da köməkçi məşqçilərdən biri olub (2014-2015) və 2015-2018-ci illərdə "Leypsiq"də Ralf Hasenhüttl və Ralf Ranqnikin köməkçisi kimi çalışıb (2023-2024). Eyni zamanda, PSJ (2018-2020), "Çelsi" (2021-2022) və "Bavariya"da (2023-2024) Tomas Tuxelin köməkçisi olub.
O, həmçinin "Red Bull"da Futbolun İnkişafı Departamentinin rəhbəri vəzifəsində işləyib.
"Leypsiq" bu gün Marko Rozeni baş məşqçi vəzifəsindən azad edib: komanda Bundesliqada keçirdiyi son altı matçda bir qələbə qazanıb və 6-cı pillədə qərarlaşıb.
