Sport24.az
Bu gün keçiriləcək bir oyunla Misli Premyer Liqasında XXI tura yekun vurulacaq. Sport24.az xəbər verir ki, 21-ci həftənin son oyun günündə lider "Qarabağ" "Zirə"nin qonağı olacaq.
Aktivində 50 xal olan ağdamılılar hazırda turnir cədvəlinin ilk pilləsində qərarlaşıb. Bakıətrafı qəsəbə təmsilçisi isə 36 xalla 3-cüdür. Oyunun yekun nəticəsindən asılı olmayaraq, heç bir komandanın mövqeyində dəyişiklik olmayacaq. Qurban Qurbanovun yetirmələri qalib gələcəyi təqdirdə ikinci yerdəki "Araz-Naxçıvan"la xal fərqini artıracaq. "Zirə" isə 3 xal qazanacağı halda "Turan Tovuz"dan bir qədər aralana biləcək.
Qeyd edək ki, oyunun start fiti saat 19:00-da səslənəcək.
Misli Premyer Liqası
XXI tur, III dövrə
19:00. "Zirə" - "Qarabağ"
Hakimlər: Rəvan Həmzəzadə, Cəmil Quliyev, Şirmamed Mamedov, Elçin Məsiyev
VAR: Rauf Cabarov
AVAR: Pərvin Talıbov
Hakim-inspektor: Anar Salmanov
AFFA nümayəndəsi: Kifayət Mustafayeva
Zirə. İdman Kompleksinin stadionu.
