Sport24.az
Bu gün Premyer Liqada XV tur start götürəcək. Sport24.az xəbər verir ki, günün ilk qarşılaşması "Liv Bona Dea Arena"da keçiriləcək.
Ev oyunlarını Mərdəkanda keçirən "Araz-Naxçıvan" "Turan Tovuz"u qəbul edir. Turnir cədvəlində qonşu olan komandaların dueli maraqla gözlənilir. Naxçıvan təmsilçisi qalib gələcəyi halda 3-cü yerdə gedən ən yaxın izləyicisindən bir qədər də aralanacaq. Bu üzdən tovuzlular səfərdə oynasalar belə, meydana 3 xal üçün çıxmaq məcburiyyətindədi. Bu tur ərəfəsində Elmar Baxşıyevin komandasının aktivində 33 xal varsa, qərb təmsilçisində bu göstərici 27-di.
Qeyd edək ki, Cavid Cəlilovun ədaləti qoruyacağı qarşılaşmanın start fiti saat 16:00-da səslənəcək.
Misli Premyer Liqası
II dövrə, XV tur
16:00. "Araz-Naxçıvan" - "Turan Tovuz"
Hakimlər: Cavid Cəlilov, Kamran Bayramov, Müslüm Əliyev, Nicat İsmayıllı
VAR: Rauf Cabarov
AVAR: Eyyub İbrahimov
Hakim-inspektor: İmanxan Sultani
AFFA nümayəndəsi: Yavər Rəhimov
Mərdəkan. "Liv Bona Dea Arena".
