Sport24.az
"Renat Dadaşovu heyətdən kənarlaşdırdınız, heç olmasa klubu aşağı liqaya salmayın". Türkiyəli jurnalist Metiner Erdem Azərbaycan millisinin futbolçusu Renat Dadaşovun çıxış etdiyi "Ankaragücü" klubunu tənqid edib. Sport24.az xəbər verir ki, o, "24saatgazetesi" qəzetindəki yazıda paytaxt təmsilçisinin son turlardakı çıxışına toxunub.
Metiner Erdem Dadaşovun heyətdən kənarlaşdırılmasına toxunub:
"Yarımmüdafiə və hücum xəttində oyunçularınız olsa da, hələ bu bu mövqelərə futbolçular axtarırsınız. Mərkəz müdafiəçi məsələsini isə son günə saxlayırsınız. Belə olmalıdır? Renat Dadaşovu heyətdən kənarlaşdırdınız, Riad Bayiç özü komandadan ayrı düşüb. "Ankaragücü" TFF 2-ci Liqa bataqlığına doğru gedir. Həqiqtən ayıbdır. Son dəfə deyirəm və vurğulayıram. Artıq bu rəhbərlikdən, texniki heyətdən, futbolçulardan, azarkeş qruplarından heç bir gözlənti yoxdur. Heç olmasa klubu aşağı liqaya salmayın".
Qeyd edək ki, "Ankragücü" 22 turdan sonra 30 xalla 13-cü pillədə qərarlaşıb. 1-ci Liqada 20 kollektiv mübarizə aparır və son dörd yerin sahibi aşağı dəstəyə düşəcək. 17-ci sıradakı "Sakaryaspor"un 27 xalı var.
