"Mövsüm bitəndən sonra başqa təkliflərim vardı. Amma "Araz-Naxçıvan"ı dəvətinə müsbət yanaşdım. Bu komandanı seçməyimdə baş məşqçi amili əsas rol oynadı". Bu sözləri Sport24.az a açıqlamasında Turan Vəlizadə deyib.
Futbolçu Elmar Baxşıyevin rəhbərliyi altında daha da inkişaf edəcəyinə və Naxçıvan təmsilçisinin qarşıya qoyulan məqsədə çatacağına inanır: "Elmar müəllim ölkə futbolunda cavan və savadlı məşqçilərdəndi. O, hər bir futbolçudan nə istədyini və onlara fərdi yanaşmanı yaxşı bilir. Baş məşqçimiz nəticə verən mütəxəssisdi. Onun baş rəhbərliyi altında çıxış etməklə irəli gedəcəyimə, "artıracağımı" düşünürəm. İnanıram ki, Baxşıyevin rəhbərliyi altında yeni mövsümdə "Araz-Naxçıvan" qarşıya qoyulan məqsədə çatacaq" .
Qeyd edək ki, Vəlizadə "Neftçi"nin yetirməsidi və karyerası ərzində "Turan Tovuz", "Şamaxı" kimi klubların formasını geyinib.