Sport24.az
"İyulun 1-də məşqlərə başlamışıq. Hazırda testlərdən, müayinələrdən keçirik. Sabah məşqlər yenidən bərpa olunacaq". Bu sözləri Sport24.az-a "Turan Tovuz"un kapitanı Şəhriyar Əliyev deyib.
32 yaşlı müdafiəçi zədəsini tam sağaltdığını söyləyib:
"Hər şey qaydasındadır. Artıq kollektivlə məşqlərə qatılıram. Komanda tam olaraq yığılmayıb. Yeni oyunçularımız gələcək. Çempionatın startınadək ideal formaya düşməyə çalışacağıq. Ötən mövsümdəki səhvləri təkrarlamaq istəmirik. Sonda avrokuboklara vəsiqə qazanaraq azarkeşlərimizi sevindirmək niyyətindəyik".
Əliyev bəzi oyunçuların klubla yollarını ayırdığını xatırladıb: "Onların hər birinə karyeralarında uğurlar arzulayıram. Yeni transferlər gələcək. İnanıram ki, komandaya güc qatacaqlar. Mövsümün sonunda istəyimizə çatacağımıza ümid edirəm".
Qeyd edək ki, Azərbaycan Premyer Liqasında yeni mövsümə avqustun 15-də start veriləcək.
