Sport24.az
Misli Premyer Liqasının 2024/25 mövsümünün oyunlarını 275 min 933 tamaşaçı izləyib. Sport24.az xəbər verir ki, keçirilən 180 matçda orta tamaşaçı sayı 1533-ə bərabər olub.
Ev oyunlarındakı izləyici sayında "Turan Tovuz" hamını qabaqlayıb. Qərb təmsilçisi mövsüm ərzində ümumilikdə 78500, orta hesabla hər oyunda 4361 tamaşaçı toplayıb.
"Turan Tovuz"un göstəricisi ikinci yerdəkindən təxminən 2 dəfə çoxdur. Tamaşaçı sayında "Neftçi" ikinci, "Sumqayıt" üçüncü pillədə qərarlaşıb.
Mövsümün ən çox tamaşaçı toplayan qarşılaşmaları Azərbaycan derbiləridir. XXIII turda "Neftçi" – "Qarabağ" oyununda 9355, XXXI turda "Qarabağ" – "Neftçi" görüşündə 7200, XV turun "Neftçi" – "Qarabağ" matçında 7069 azarkeş qeydə alınıb. "Sumqayıt" – "Qarabağ" (IX tur, 7000 tamaşaçı) və "Turan Tovuz" – "Qarabağ" (XXVIII tur, 6500 tamaşaçı) oyunları da ilk "beşlik"də yer alıb.
