İdman.biz
Misli Premyer Liqasının XIII turunun ikinci günü "ASCO Arena"da başlayacaq.
İdman.biz xəbər verir ki, "Səbail" və "Turan Tovuz" ölkə çempionatları tarixində 10-cu duelə çıxacaq.
Yubiley qarşılaşmasına qədər 9 dəfə görüşən rəqiblərin əvvəlki matçlarında bölgə təmsilçisi minimal üstünlüyə malikdir. 3 qələbəsi olan Tovuz klubu 2 dəfə uduzub. 4 oyunda qalib müəyyənləşməyib.
"Turan Tovuz" bütün oyunlarda qol vurub. Bu da top fərqindəki üstünlükdə əksini tapıb – 13-12. Ümumiyyətlə, yalnız iki dəfə - ilk və son dueldə tərəflərdən biri – qərblilər qol vurublar. Digər 7 matçda hər iki komanda fərqlənməyi bacarıb.
"Səbail" son üç matçda qələbə qazanmayıb. Paytaxt klubunun 4 ev oyununda tərəflər hərəyə 1 qələbə qazanıb və 2 heç-heçə ediblər.
Maraqlıdır ki, "Turan Tovuz" bütün səfərlərdə eyni sayda qol vurub. "Səbail" hər dəfə qonaqların bir topuna üzülüb.
Qeyd edək ki, bugünkü qarşılaşma saat 17:00-da başlayacaq.
| 13.08.2022 | Səbail (Bakı) - Turan Tovuz | 0:1 |
| 15.10.2022 | Turan Tovuz - Səbail (Bakı) | 2:2 |
| 16.03.2023 | Səbail (Bakı) - Turan Tovuz | 1:1 |
| 22.05.2023 | Turan Tovuz - Səbail (Bakı) | 2:2 |
| 26.08.2023 | Turan Tovuz - Səbail (Bakı) | 1:3 |
| 03.11.2023 | Səbail (Bakı) - Turan Tovuz | 2:1 |
| 26.01.2024 | Turan Tovuz - Səbail (Bakı) | 3:1 |
| 30.03.2024 | Səbail (Bakı) - Turan Tovuz | 1:1 |
| 30.08.2024 | Turan Tovuz - Səbail (Bakı) | 1:0 |
İdman.biz
