Idman.biz
Bizon Azərbaycan Kubokunun 1/4 final mərhələsinə vəsiqə qazanan ilk komandalar artıq bəlli olub.
İdman.Biz xəbər verir ki, Premyer Liqa təmsilçisi "Turan Tovuz" I Liqa klubu "Şahdağ Qusar"ı mübarizədən kənarlaşdıraraq adını növbəti mərhələyə yazdırıb.
"SOCAR Polymer Arena"da baş tutan qarşılaşma Tovuz təmsilçisinin 2:1 hesablı qələbəsi ilə yekunlaşıb. Rəvan Həmzəzadənin idarə etdiyi matçda qərb klubunun qollarını Ayxan Hüseynov (4-cü dəqiqə, penalti) və Aleks Souza (64) vurublar. Qusar komandasının yeganə qolunu isə Famil Camalov (76) vurub.
Qeyd edək ki, günün digər oyunu "Zirə" ilə "Neftçi" arasında baş tutacaq. Tural Qurbanovun idarə edəcəyi qarşılaşmanın start fiti saat 19:00-da veriləcək. Mərhələ isə dekabrın 4-də başa çatacaq.
09:19
Bu gün futbol üzrə Bizon Azərbaycan Kubokunun 1/8 final mərhələsinə iki oyunla start veriləcək.
İdman.Biz xəbər verir ki, "Turan Tovuz" "Şahdağ Qusar"la, "Neftçi" "Zirə" ilə qarşılaşacaq.
Görüş müvafiq olaraq saat 15:00 və 19:00-da start götürəcək.
"Şahdağ Qusar" - "Turan Tovuz" cütünün qalibi növbəti raundda "Araz-Naxçıvan" - "Kəpəz" duelinin güclüsü ilə qarşılaşacaq.
"Zirə" - "Neftçi" görüşündə üstün olan tərəf isə "Difai" - "Sumqayıt" qarşılaşmasının qalibinə rəqib olacaq.
Bizon Azərbaycan Kuboku
1/8 final
2 dekabr
15:00. "Şahdağ Qusar" - "Turan Tovuz"
Hakimlər: Rəvan Həmzəzadə, Cəmil Quliyev, Kərim Zeynalov, Kamran Əliyev.
Hakim-inspektor: Ramil Diniyev.
AFFA nümayəndəsi: Elman Musayev.
"SOCAR Polymer Arena"
19:00. "Zirə" - "Neftçi"
Hakimlər: Tural Qurbanov, Asiman Əzizli, Eyyub İbrahimov, Kamranbəy Rəhimov.
VAR: Rauf Cabarov.
AVAR: Elşad Abdullayev.
Hakim-inspektor: İmanxan Sultani.
AFFA nümayəndəsi: Erkin Hüseynov.
Zirə İdman Kompleksinin stadionu
Qeyd edək ki, 1/8 final mərhələsi dekabrın 4-də başa çatacaq.
