Sport24.az
"Ağstafa Gəncləri"nə qarşı oyunumuzun asan keçdiyini deməzdim. Futbol elə bir səviyyəyə çatıb ki, sonuncu pillələrdə gedən komanda belə lideri büdrədə bilər". Bu sözləri Bu sözləri Sport24.az-a açıqlamasında "Xankəndi"nin futbolçusu Tural Qürbətov deyib.
Təcrübəli futbolçu komandasının İkinci Liqanın XIII turunda "Ağstafa Gənclər"i üzərində böyükhesablı qələbəsini şərh edib:
"Hesabın böyük olması bizim düzgün oynamağımızın nəticəsidir. Biz daha da çox qol vura bilərik. "Xankəndi" yeni yaranan klubdur. Hədəflərimiz böyükdür. Bu il çempion olub Birinci Liqaya, daha sonra isə elitaya vəsiqə qazanmaq istəyirik. "Xankəndi" adı yüksək yerlərdə olmalıdır. Rəhbərlik və məşqçilər heyəti bizə çox dəstək olur. Hədəfimizə çatmağımız üçün bütün lazımi şəraiti yaradıblar. İnşallah, mövsümün sonunda çempionluğu Xankəndi şəhərində qeyd edərik. Mövsümdə 12-ci qolumu vurdum. Hücumçunun işi hər matçda qol vurmaqdır. Çempionatın sonunda bombardir olsam, təbii ki, sevinərəm. Ən başlıca hədəfimiz çempionluqdur. Qol vurub komandamə kömək edə bilirəmsə, nə xoş mənə".
Qeyd edək ki, II Liqanın lideri "Xankəndi" son turda "Ağstafa Gəncləri"ni qəbul edib və 6:1 hesabı ilə qalib gəlib.
