Sport24.az
"Mövsümlərarası fasilədə reallaşan transferləri dəyərləndirmək üçün futbolçularla tanış olmaq lazımdı". Bu sözləri Sport24.az-a açıqlamasında menecer Tural Əsgərov deyib.
Tanınmış agent Premyer Liqa klublarında bu günə rəsmiləşən keçidləri dəyərləndirib:
"Klublarımızın tanınmış futbolçuları heyətə cəlb etmələrinə imkanları yoxdu. Gözləmək və onların oyunlarını izləməyin tərəfdarıyam. "Transfer pəncərəsi"nin bağlanmasına çox var. Klubların danışıq apardığı futbolçular var. Elə danışıqlar olur ki, sonu uğurla yekunlaşmır. Real danışsaq, yeni transferləri tanımırıq. Sadəcə onların CV-sinə görə dəyərləndirmə etmək isə düzgün deyil. Gözləmək lazımdır. Avrokuboklarda çıxış edən klublarımız digərlərinə nisbətən bir neçə futbolçunun transferini həll ediblər. Klubların məqsədini bilmədən danışmaq çətindir. Ümumi götürəndə elita klublarının hamısının yeni transferlərə ehtiyacı var".
Qeyd edək ki, yay "transfer pəncərəsi" iyunun 25-dən sentyabrın 16-dək açıq olacaq.
