Sport24.az
"Polşadan, Türkiyədən və başqa ölkələrdən də təkliflərim var idi. Amma elə oldu ki, "Turan Tovuz" xidmətimdə maraqlı oldu və bir günün içində qərar verdim". Bu sözləri Sport24.az-a açıqlamasında Tural Bayramlı deyib.
Mövsümlərarası fasilədə "Araz-Naxçıvan"dan ayrılan yarımmüdafiəçi Tovuz klubuna üz tutmasında baş məşqçi amilinin böyük rol oynadığını vurğulayıb: "Sırf "Turan Tovuz"u seçməyim yeni baş məşqçinin gəlişinə görə oldu. Belə ki, Kurban Berdıyev postsovet məkanında tanınan və nəticə qazanmağı bacaran məşqçidi. Belə mütəxəssisin rəhbərliyi altında oynamaq hər futbolçuya qismət olmur. Fikrimcə, karyeramın inkişafında Kurban Berdıyev amili rol oynayacaq. "Turan Tovuz"da əlimdən gələnin ən yaxşısını etməyə çalışacam. Fəxr edirəm ki, Berdıyevin transfer etdiyi ilk azərbaycanlı futbolçu mən oldum".
Qeyd edək ki, Bayramlı ötən mövsüm "Araz-Naxçıvan"ın heyətində bütün turnirlərdə 28 oyuna çıxıb.
