"Oyuna ciddi hazırlaşmışdıq. Məqsədimiz məğlubiyyətsiz seriyamızı davam etdirib yuxarı pillələrdə qərarlaşmaq idi. Amma "Araz-Naxçıvan"ın müqavimətini qıra bilmədik, onlar bizi yaxşı təhlil etmişdilər". Bu sözləri Sport24.az-a açıqlamasında "Turan Tovuz"un üzvü Tural Bayramlı deyib.
Yarımmüdafiəçi məğlubiyyətdən dərs çıxaracaqlarını və qarşıdakı oyunlara daha ciddi hazırlaşacaqlarını da vurğulayıb: "Məğlub olmuşuqsa, deməli hardasa boşluğa, səhvə yol vermişik. Futbolda qalibiyyətlə yanaşı, məğlubiyyətdə olur. Əsas odur ki, uğursuzluqdan dərs çıxarasan. Bu məğlubiyyət bizə çox qələbələr qazandıracaq".
Qeyd edək ki, Premyer Liqanın VII turunda "Turan Tovuz" öz meydanında "Araz-naxçıvan"a 1:2 hesabı ilə məğlub olub.