Idman.biz
Rusiyanın "Tümen-2" futbol komandasının avtobusu Omsk vilayətində qəzaya uğrayıb.
İdman.biz xəbər verir ki, komanda 3-cü Liqa çərçivəsində "SibGUFK-İrtış-2" ilə oyun üçün Omska yollanırdı.
İlkin məlumatlara görə, saat 17:30 radələrində Tyukalinsk rayonu yaxınlığında "Tümen-2" avtobusunun sürücüsü məsafəni düzgün saxlamayıb və eyni istiqamətdə hərəkət edən BMW markalı avtomobillə toqquşub. BMW isə bundan sonra yük maşınına çırpılıb.
Daha sonra klub avtobusu hərəkətə davam edib, qarşı zolağa çıxaraq başqa bir yük maşını ilə toqquşub və yoldan çıxaraq aşıb.
"Tümen-2" avtobusunun 19 yaşlı sərnişini kəllə-beyin travması ilə xəstəxanaya yerləşdirilib. Yük maşınlarından birinin sürücüsünə də tibbi yardım göstərilib. Qəzanın digər iştirakçıları ciddi xəsarət almayıblar.
İdman.biz
