Sport24.az
"Yuventus"un baş məşqçisi İqor Tudor A Seriyasında "Cenoa"ya qalib gəldikləri oyunu şərh edib. Sport24.az DAZN-a istinadən xəbər verir ki, mütəxəssis 1:0 hesabıyla bitən görüşlə bağlı bunları deyib:
"Oyun modelimizi dəyişdik. Hücumlara şaquli və intensiv çıxdıq. Uşaqların buna reaksiyası yaxşı oldu. Hələ nəzərə alaq ki, birlikdə cəmi 2-3 məşq etmişik. Uşaqlar qələbəyə can atırdılar. 1:0 xüsusi nəticədir. Düzdür, daha çox qol vura bilərdik. Amma istənilən halda, qələbə komandanı psixoloji cəhətdən gücləndirəcək".
"Yuventus" çempionatda 30 turdan sonra 55 xalla 5-ci sıradadır.
