Sport24.az
"Arsenal"ın vingeri Leandro Trossard baş məşqçi Joze Mourinyo ilə danışdıqdan sonra "Fənərbağça"ya keçməyə razılaşıb. Sport24.az xəbər verir ki, bu barədə "The Sun" məlumat yayıb.
Mənbənin sözlərinə görə, 30 yaşlı futbolçu London klubunun əsas heyətində yer ala bilməyəcəyini başa düşür və bu üzdən "topçular"ı tərk etmək qərarına gəlib.
Trossardın potensial transferinin bonuslar da nəzərə alınmaqla 17 milyon funt sterlinq (19,5 milyon avro) qiymətləndirildiyi vurğulanır. Belçikalının türk nəhəngində maaşı da xeyli arta bilər.
Qeyd edək ki, Trossard 2023-cü ilin yanvarından "Arsenal"da çıxış edir. Hücumçu ötən mövsüm bütün turnirlərdə 56 matçda iştirak edib, 10 qol vurub və 10 məhsuldar ötürmə edib.
