Sport24.az
"Real"ın zədəli futbolçusu Trent Aleksandr-Arnoldun yaşıl meydanlara qayıdacağı tarix məlum olub. Sport24.az xəbər verir ki, ingiltərəli futbolçu noyabrın əvvəlində komandaya kömək edə biləcək.
Bu barədə AS nəşri məlumat yayıb.
27 yaşlı sağ cinah müdafiəçisi UEFA Çempionlar Liqası Liqa mərhələsinin 4-cü turunun "Liverpul"la matçına hazır olacaq. Qarşılaşma noyabrın 4-də baş tutacaq.
Qeyd edək ki, "Real" Trent-Aleksandr Arnoldu bu ilin iyun ayında "Liverpul"dan 10 milyon avroya transfer edib. İngiltərə millisinin üzvü Madrid təmsilçisinin heyətində meydana çıxdığı 10 rəsmi matçda 2 qol ötürməsi ilə yadda qalıb.
